Methodica de assistentia e training

Le methodo de assistentia e training disveloppate per Toeleiding naar Arbeid joca un rolo importante in le projecto. Iste methodo proveni de experientia e es innovative proque non solmente le personas con impedimentos occupational, sed etiam le empleatores recipe assistentia e training intensive. Cento personas con impedimentos occupational e cento educatores e empleatores pote participar in Operatie Pelios.

• Le assistentia in le quadro de Operatie Pelios es plus intensive que le regular. Il occurre plus momentos de contacto con le clientes que es usual.
• Il ha un plus bon vista super le possibilitates. On non reguarda solmente le impossibilitates.
• Personas con impedimentos occupational es plus ben preparate al expectationes placiate super illes in un relation de empleamento.
• Educatores, coordinatores de probation e de practicas, docentes specialisate, etc. es trainate e assistite, con le objectivos de render le education regular plus accessibile a personas con impedimentos occupational, de realisar plus empleos pro iste clientes e de inseniar a illes como functionar in un empleo in le practica quotidian.
• Prejudicios es eliminate e le risco de disappunctamento es limitate al minimo.
• Expectationes de empleatores e de personas con impedimentos occupational es plus ben synchronisate.
• Empleatores e personas con impedimentos occupational apprende le unes del alteres, a lor avantage mutual.
• Empleatores es trainate in le quadro del "Lege Guardaporta", le qual intende accrescer le responsabilitate de empleatores verso lor empleatos con impedimentos occupational, reducente le numero de recipientes de allocationes social pro incapacitate de labor.

Retro al texto principal