Strategias financiari

Duo nove incentivos financiari, Prohef e Zelfzoekmodel, es contrastate contra le schema de reduction existente. Le experimento debe clarificar si o non le duo strategias financiari de reintegration novemente introducite resulta in un rendimento plus grande.

Le participation in le nove strategias Prohef e Zelfzoekmodel in le quadro de Operatie Pelios non forma un impedimento al empleatores de profitar equalmente del reduction de taxa regular (Kortingsregeling) e del lege REA.

Prohef

In le annos 1980, ing. P. van Elswijk disveloppava le concepto de 'Nove Economia de Mercato Social'. Iste concepto concerne un altere methodo de financiamento del securitate social e es equalmente cognite como le 'Plano de Elswijk' o como 'Prohefsystematiek'. In comparation con le methodo de financiamento actual, le concepto differe in duo punctos importante:

• Taxa de production: un allargamento del base fiscal al valor addite nette del compania.
• Bonus de empleamento: un amonta fixe que le empleator pote subtraher del taxa de production pro cata empleato a tempore complete in su servicio.

Le expectation es que le bonus de empleamento va causar un reduction del costos marginal de labor, e un incremento del numero de empleos - specialmente in le basso del mercato de labor, viste que il deveni possibile fornir empleos regular a personas con un productivitate minus que le salario minime - per exemplo, a personas con impedimentos occupational, le gruppo visate relevante a Operatie Pelios.

Prohefsystematiek in le quadro de Operatie Pelios significa que il es determinate un compensation pro le empleator post un certe periodo secundo un percentage de taxation. Iste percentage de taxation es composite de duo partes: primo, de un taxa super le valor addite realisate de un integre division de un compania (taxa de production), e secundo, de un reduction de taxa pro cata empleato (reduction de taxa). Pro empleatos con impedimentos occupational es determinate un reduction de taxa additional. Le percentage de taxa final es computate per divider le summa del reductiones de taxa per le valor addite.

Zelfzoekmodel

Un secunde strategia financiari in le experimento concerne Zelfzoekmodel ("modello de cercar mesme"). In le quadro de Zelfzoekmodel, le handicappato occupational recipe un amonta de moneta unic. Le amonto depende del natura e del grado del handicap occupational. Le handicappato occupational pote, post sequer le training intensive, determinar mesme lo que ille o illa face con iste medios financiari a fin de obtener un empleo. Un exemplo es le acquisition de facilitates extra.

Tal facilitates extra pote includer cosas non coperite per le lege REA, como un vehiculo. Con Zelfzoekmodel, le handicappato occupational pote eventualmente usar etiam le proprie connexiones social pro cercar un empleo mesme.

Pro pagar pro isto, le handicappato occupational pote utilisar le medios financiari a su disposition. Iste expensa(s) debe esser controlate in accordo con un consiliero independente, qui judica si le plano de expensa proponite es acceptabile e ha un connexion directe con le empleo e le mantenimento del empleo.

Kortingsregeling

Le nove Plano de Taxa governamental de 2002 permitte a empleatores reciper reductiones de taxa pro fornir empleos a personas con impedimentos occupational. In addition, le Lege REA permitte le reimbursamento de costos additional incurrite per empleatores in le reintegration de personas con impedimentos occupational. Le strategia de reintegration que assiste empleatores in le utilisation de iste provisiones es appellate "Kortingsregeling" ("Schema de disconto") in Operatie Pelios.

Retro al texto principal