Empleatores e handicappatos in collaboration pro eliminar barrieras

Ben que le existente instrumentos e strategias pro le reintegration de personas con impedimentos occupational non es inefficace, le effectos lassa multissimo a desirar. Non solmente le governamento require plus resultatos; etiam pro le personas con impedimentos occupational, troppo de effortios a reintegration conclude in disappunctamento. Il ha multe personas qui depende de un allocation social de incapacitate de labor, e lor via retro a labor es difficile. Inter empleatores e handicappatos occupational existe un grande distantia que debe esser reducite.

Operatie Pelios, un projecto de EQUAL, es disveloppate specialmente pro trovar un solution pro iste problema. Le objectivo es crear opportunitates equal pro personas con impedimentos occupational, de maniera que iste gruppo vulnerabile non sia excludite de labor in le futuro. A iste fin, le possibilitates pro le perfectionamento del processo de (re)integration es examinate.

• Lege plus super le associatos de disveloppamento que participa in Operatie Pelios -- organisationes con multe expertise in le campo de (re)integration de personas con impedimentos occupational, e/o experientia con le implementation de politica.

Methodos e strategias

In Operatie Pelios es applicate un nove methodica disveloppate e partialmente ja provate per le compania de reintegration Toeleiding naar Arbeid, e es introducite duo nove strategias financiari de reintegration: Zelfzoekmodel e Prohefsystematiek. Iste strategias de reintegration innovative es comparate, le un con le altere, e le duo con le modellos existente. Le resultatos positive expectate del experimento pote ducer a recommendationes pro implementation in le politica actual concernente le reintegration de personas con impedimentos occupational. Isto pote esser avantagiose e pro le empleatores e pro le personas con impedimentos occupational.

• Lege plus super le methodica de assistentia e training disveloppate per Toeleiding naar Arbeid, basate super le credo que le handicappatos occupational e lor empleatores ha ambes besonio de assistentia e training.
• In Operatie Pelios se applica duo incentivos financiari innovative in addition al reductiones de taxa regular pro stimular empleatores a emplear handicappatos occupational e mantener les empleate. Lege super le tres strategias financiari applicate.

Summario

Operatie Pelios intende reducer le distantia inter empleatores e personas con impedimentos occupational. Con le methodicas disveloppate e le strategias financiari applicate, minus personas con impedimentos occupational essera excludite de labor pagate. In caso de incapacitate de laborar, le personal proprie es assistite plus ben e con plus empathia, e le assistentia se dirige plus effectivemente al retorno a labor e minus al influxo in allocationes social. On expecta de poter formular recommendationes con iste experimento, le quales in caso de implementation in le politica debe resultar in un incremento del numero de empleos pro (nove) handicappatos occupational, e stimular le participation de handicappatos occupational in le processo de labor.

Le sequente resultatos es expectate:

• Barrieras existente inter empleatores e handicappatos occupational es eliminate.
• Empleatores ha minus dubitas re contractar e emplear handicappatos occupational.
• Le diversitate inter empleatos handicappate e non-handicappate es plus ben exploitate (diversity management).
• Le non-participation al labor es limitate.
• Minus influxo de personal in allocationes social.
• Minus handicappatos occupational es excludite de labor.